U3F1ZWV6ZTI0ODU1NDk4MzkxNjA0X0ZyZWUxNTY4MDk5NzY2MTY4NA==

تلاسن و إتهامات مع استعمال ألفاظ سوقيه بين راشد الخياري و ياسين العياري



تلاسن و إتهامات مع استعمال ألفاظ سوقيه بين راشد الخياري و ياسين العياري 




نشر النائب راشد الخياري على حسابه الشخصي بالفايسبوك تدوينة اتهم فيها النائب ياسين العياري بالسطو على إنجازه المتمثل في تسهيل ملفات s17 لمجموعة من الشباب







هدد النائب راشد الخياري زميله في مجلس النواب ياسين العياري بكشف فضائحه الليلية و النهارية حسب تعبيره وذلك في تواصل للمعركة الافتراضية التي دارت بينها و تبادل الاتهامات 






النائب ياسين العياري رد من جهته عبر هذه التدوينة :


شوف يا وبش، ريت وقت انت اتدور تفلم على الناس، توعد فيهم بش إتطرد سفير فرانسا و درت في الحياصة، إتدجل على العباد بش تجيبلهم البترول في إبادن و نسيت الموضوع و تنتج في الياغرت بالكركم؟

 وقتها أحنا نخدمو في ما ينفع الناس، وقتها خادمين فوق 500 ملف s17 في أقل من عام! إيجا نفسرلك شنوة صار :) مواطنين بعثولك معطياتهم، ليك إنت. و إنت عديتهم لوزارة الداخلية. 








جاء سفير فرانسا في الليل، دخل من الباب التلاني، باب حلهوله دحلان، لم الدوسيات الي تخدمت و بعثلي ليا أنا المعطيات، الأسامي و الالقاب و أرقام بطاقات التعريف و هذا في إطار مؤامرة كونية، لضربك إنت شخصيا، أسد المشرق و المغرب، زعيم الامة، بطل الرافدين، تنين السنة، تمساح الحقيقة، ضفدع الشريعة، جربوع الاندلس تقعد! 

وهف يهزك ما أرخصك و ما أبهمك! لا خدموا، لا خلاو الناس تخدم، عايشين في عوالم الوهم! شوف يل خامج، في الإخر،خسرك المزود و ربحك البرلمان! شوف يا قراد الخيل، 
لسنوات طوال، كنت أتجاهل خزعبلاتك و ندعيلك إنه ربي يفرج عليك و تبطل التكروري لكن تو الأمر مختلف. لن أسمح للخماج أمثالك،
 يعملوا أسامي على ظهري. 








أنت ينجم واحد يسطولك على مؤامراتك، على زكرتك، على بنديرك، على التكروري متاعك، موش على خدمتك! فلا أحد يقدر أن يسطو على تهريج مهرج، فمهرج كنت و مهرج ستبقى! 
صدق زميلك و هو كذوب :
 ما يتبعك كان أحمق أو مغفل، ينجم يصدقك انك المعطيات و الدوسيات خدمتها إنت و النتائج عندي أنا :) ربي يجبرلك، 
و بالتوفيق في لمان البترول :) يا عضو لجنة الطاقة، الفاصع عنها :) فيك و في خزعبلاتك ساقي. المرة هذه قرصة صغيرة، 
موش بش نقتل ذبانة بمدفع زادة، لكن المرة الجاية : سأستعير في الضحك عليك فعلا و صفه مظفر نواب! و بالواقفة زادة. #احنا_نخدموا_و_هوما_يكذبوا #ما_يحبوش_الإحترام


نقطة نظام، و الحاضر يعلم الغايب : 

أحنا رانا ولينا قباح و جالغين و مستوانا طايح و لساننا طويل و ألفاظنا سوقية و ما نحشموش مع كل كلب بني كلب تسول له نفسه الحقيرة انه يتطاول علينا او يقربنا أو يغلط في حقنا من قريب او من بعيد.

زمن التسامح مع الي يسوى و ما يسواش، إنتهى، و الي يحكي بروحه يتفضل توة نسمعوه ما يليق بيه.

نائب شعب يحكي بإحترام، فقط مع الناس المحترمة.

ثمة ناس جربنا معاهم الترفع، الغمز، دفع السيئة بالحسنة، فما زادهم إلا قلة حياء و تطاول، الناس هذه الي ما تحبش الإحترام، و قرؤوا الحلم ضعفا، سيكون من دواعي سرورنا إنا نمزبلوهم تمزبيل يليق بوضاعتهم.

الي يحب نائب يعتدي عليه الي يسوى و الي ما يسواش و يطفي الضو باش معاليك تقول عليه cute و ما أحلاه، يشوف في ال 216 الاخرين، ما عناش لهنا.





" لَّا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلَّا مَن ظُلِمَ ۚ وَكَانَ اللَّهُ سَمِيعًا عَلِيمًا" صدق الله العظيم.

إن شاء الله واضح و نهائي، أفرق الحضبة.

تعليقات
ليست هناك تعليقات
إرسال تعليق

إرسال تعليق