U3F1ZWV6ZTI0ODU1NDk4MzkxNjA0X0ZyZWUxNTY4MDk5NzY2MTY4NA==

الدكتور ماهر العباسي يوجّه نداء استغاثة عاجل لرئيس الحكومة و وزير الصحة : كارثة و جريمة دولة اللي قاعد يصير في جربة و مدنين

τσυиsɪ вlɪɒ〽




الدكتور ماهر العباسي يوجّه نداء استغاثة عاجل لرئيس الحكومة و وزير الصحة : كارثة و جريمة دولة اللي قاعد يصير في جربة و مدنين





نشر الدكتور ماهر العباسي طبيب الانعاش والتبنيج تدوينة على فايسبوك خبرا مفاده أنه "اليوم 15 أفريل 2020 ... 
فمة مواطنة تونسية من جربة عمرها 60 سنة مريضة بالكورونا ... في حالة خطيرة وإستحقت باش تتحط تحت التنفس الإصطناعي ....





 في سبيطار جربة مافماش طبيب إنعاش ... 
دونك طلبو نقلها لسبيطار مدنين إلي فيه قسم إنعاش مجهز بكل شيء مالإطار الطبي للمعدات اللازمة الكل وفيه صفر مريض .... 

تقوم نقابة الإطارات الشبه طبية التابعة لاتحاد الشغل وتقرر رفض قبول المريضة خاطر حسب الجهل المقدس متاعهم جربة منطقة موبوؤة ... ويمشي الجلولي كاتب عام النقابة للوزارة ويضغط ويقول مستحيل نقبلو المريضة والوزارة رضخت لأوامر النقابة 







وخلات تونسية تموت عرق بعد عرق تنفس فيها مكينة وماعندهاش طبيب إنعاش في السبيطار الا بعض الإعانة من طبة القطاع الخاص الي ماعندهم حتى غطاء قانوني ..... 
وتوة فمة شاب عمرو 38 سنة قاعديغفق وممكن يستحق للإنعاش ونفس الموقف ونفس الرفض أقعد موت في جربة خاطرها منطقة موبوؤة وهي الحاجة الوحيدة الموبوؤة هي عقلهم المتعفن بالجهل المقدس .


إلياس الفخفاخ وعبد اللطيف المكي حياة الزوز التوانسة هذومة أمانة في رقبتكم ."
قيس سعيد .... بعثت أطباء لميلانو باش يداويو الطلاين وهذي حاجة ممتازة ... ماتخليش توانسة يموتو خاطر كمشة جهلة خايفين مالكورونا . 
يا توانسة حياة التوانسة متاع جربة أمانة في رقبتنا وكان نسكتو عالجريمة هذي رانا ماناش عباد .... للحديث بقية

تعليق واحد
إرسال تعليق
  1. يجب إعدام كل منتسبي هذا الإتحاد المتعفن للنخاع

    ردحذف

إرسال تعليق

الاسمبريد إلكترونيرسالة